VMRO akuzon LSDM, Levica dhe BDI për bllokimin e Kodit Zgjedhor
Partia VMRO-DPMNE akuzon liderët e LSDM, Levica dhe BDI se kanë shkatërruar procesin e harmonizimit të Kodit të ri Zgjedhor, duke treguar se preferojnë bllokadën politike mbi reformën elektorale.
Partia VMRO-DPMNE ka deklaruar se LSDM, Levica dhe BDI po bllokojnë Kodin e ri Zgjedhor, duke e kthyer procesin në një "bllokadë politike". Sipas VMRO-së, këto parti, edhe pse morën pjesë në bisedime për muaj të tërë, u tërhoqën në momentin kur duhej të arrihej një marrëveshje, duke dështuar kështu gjithë procesin.
Nga VMRO-DPMNE theksojnë se pas katër muajsh negociatash, Venko Filipçe nga LSDM ka gjetur një justifikim të ri, duke përmendur nevojën për ekspertë. Partia akuzon se bllokimi i Kodit Zgjedhor është një projekt i përbashkët i LSDM-së, Levica dhe BDI-së, të cilat sipas tyre po përgatisin "një alibi nga frika e zgjedhjeve dhe humbjes".
VMRO-DPMNE mbetet e gatshme të pranojë menjëherë një marrëveshje mes partive opozitare, nëse kjo do të mundësojë votimin më të lehtë për diasporën. Përgjegjësia për vazhdimin me Kodin e vjetër Zgjedhor bie, sipas tyre, tërësisht mbi SDSM-në, Levica dhe BDI.