Turistët e huaj zgjedhin Shqipërinë për turizëm me kamper
Shqipëria po bëhet destinacion popullor për turistët që udhëtojnë me kamperë. Vizitorë nga vende të ndryshme evropiane vlerësojnë natyrën, qetësinë dhe lirinë e lëvizjes.
Në zona të tilla si Pylli i Sodës dhe Zvërneci, numri i kamperëve me turistë nga Franca, Sllovenia, Gjermania, Italia dhe vende të tjera është në rritje. Vizitorët shprehen të tërhequr nga natyra e bukur, ambientin e qetë dhe mikpritja që gjejnë.
Operatorët turistikë lokalë raportojnë një rritje të ndjeshme të numrit të turistëve që preferojnë këtë formë udhëtimi vitet e fundit. Siguria, mundësia për të eksploruar destinacione të ndryshme dhe natyra e paprekur janë ndër arsyet kryesore të zgjedhjes së Shqipërisë.
Turistët e intervistuar vlerësojnë përvojën, duke theksuar bukurinë e plazheve shqiptare, cilësinë e produkteve vendase dhe miqësinë e banorëve. Disa shprehen se planifikojnë të vizitojnë edhe qytete të tjera, përveç zonave bregdetare.
Turizmi me kamper po fiton popullaritet falë lirisë së lëvizjes, kontaktit të drejtpërdrejtë me natyrën dhe kostove më të ulëta të akomodimit, duke tërhequr kështu një numër në rritje të vizitorëve të huaj.