Rriten perseri cmimet e naftes dhe benzines, publikohen shifrat e reja
Ministria e Industrisë, Ndërmarrësisë, Tregtisë dhe Inovacionit ka njoftuar çmimet maksimale të lejuara për derivatet e naftës, të cilat hyjnë në fuqi nga data 25 korrik duke filluar nga ora 10:00.
Rritja e vazhdueshme e çmimeve të derivateve po vazhdon, ku Ministria e Industrisë, Ndërmarrësisë, Tregtisë dhe Inovacionit (MINTI) ka publikuar çmimet e reja për datën 25 korrik.
Sipas vendimit të fundit, nafta do të kushtojë 1.72 euro për litër. Kjo shifër paraqet një rritje prej tre centësh krahasuar me të premten, kur çmimi ishte 1.69 euro për litër.
Gjithashtu, është shënuar një rritje edhe në çmimin e benzinës. Nga 1.50 euro për litër sa ishte në ditën e premte, benzina tashmë do të tregtohet me 1.51 euro për litër, duke u shtrenjtuar për një cent.
Ndryshe nga nafta dhe benzina, çmimi i gazit nuk ka pësuar ndryshime dhe mbetet i pandryshuar në 0.60 euro për litër.
Këto çmime të reja të derivateve të naftës hyjnë në fuqi nga ora 10:00 e 25 korrikut dhe do të jenë të vlefshme për një periudhë 24-orëshe.