Kinë vazhdon të zgjerojë flotën e taksive elektrike për t’i rezistuar shtrenjtimit të naftës
Zgjerimi i flotës së taksive elektrike ndihmon Kinën të mbajë kostot e udhëtimit konkurruese dhe të zvogëlojë varësinë nga nafta në kushtet e shtrenjtimeve të karburantit.
Kina po përmirëson shërbimet e transportit me platforma të taksive dhe makinave hibride dhe elektrike, për shkak të rritjes së shpenzimeve të karburanteve tradicionale. Numri i udhëtimeve me taksi dhe platforma të transportit u rrit në më shumë se 3 miliardë gjatë muajit maj, sipas të dhënave zyrtare, një rritje prej rreth 6% nga viti paraprak. Analistët lidhin këtë trend me shtimin e punësimit në një ekonomi me ritme më të ngadalshme dhe me përdorimin në masë të mjeteve elektrike, të cilat kërkojnë kostot më të ulëta të operimit.
Sot, rreth gjysma e flotës prej 1.3 milionë taksish në Kinë është elektrike, dhe në shumë qytete të mëdha kjo përqindje është pothuajse tërësisht e tillë. Edhe kompania Didi, platforma më e madhe e transportit, tha vitin e kaluar se shtoi 2 milionë automjete elektrike dhe hibride, duke arritur flotën pa lëndë djegëse fosile në 8 milionë mjete. Sipas kompanisë, automjetet elektrike realizojnë rreth 75% të kilometrave të përshkuar përmes platformës.
Si rezultat i elektricifikimit të transportit, konsumimi i benzinës në Kinë ra me 10% dhe ai i naftës me 14% në muajin maj, pavarësisht rritjes së trafikut rrugor dhe të transportit të mallrave. Ekspertët parashikojnë se deri në vitin 2035 rreth 90% e kilometrave të bërë nga taksitë dhe shërbimet e transportit me aplikacione do të realizohen nga automjetet elektrike, duke ulur edhe më tej varjen nga nafta.