Browsing: Kosovë
Instituti Kombëtar i Shëndetësisë Publike të Kosovës (IKSHPK) njoftoi se uji nga kanali i Ibër-Lepencit është i pijshëm dhe përmbush standardet për konsum njerëzor, pas analizave laboratorike të kryera në disa impiante. Ky kanal, që furnizon rajonin e Mitrovicës, Prishtinën dhe KEK-un, ishte dëmtuar më 29 nëntor nga një shpërthim i konsideruar si “akti më i rëndë ndaj infrastrukturës që nga paslufta.” Furnizimi me ujë është kthyer në normalitet nga data 6 dhjetor, ndërsa sulmi është dënuar nga Bashkimi Evropian dhe Gjermania si një “akt terrorist.”
Ish-presidenti i Kosovës, Hashim Thaçi, do të paraqitet sot para gjykatës lidhur me një aktakuzë të re që e ngarkon atë dhe tre të akuzuar të tjerë për ndikim mbi dëshmitarët. Aktakuza përfshin akuza për tentativë për pengim të zyrtarëve, shkelje të fshehtësisë së procedurës dhe mosbindje ndaj gjykatës. Gjithashtu, arrestimet e fundit të Bashkim Smakajt, Isni Kilajt dhe Fadil Fazliut kanë çuar në transferimin e tyre në objektin e paraburgimit në Hagë. Seancat e paraqitjes do të zhvillohen për të shqyrtuar akuzat e ngritura.
Kryeministri i Kosovës, Albin Kurti, ka deklaruar se emblemat e gjetura pas bastisjeve në Zubin Potok janë të lidhura me grupe ekstremiste ruso-serbe që synojnë destabilizimin e Kosovës dhe të rajonit. Pas konfiskimit të armëve dhe pajisjeve ushtarake, këto prova tregojnë përfshirjen e strukturave të inteligjencës dhe sigurisë me lidhje në Serbi, duke rrezikuar paqen dhe stabilitetin në Ballkan. Kurti bëri thirrje për një reagim të unifikuar kundër këtyre kërcënimeve.
Zëvendëskryeministri i Kosovës, Besnik Bislimi, gjatë një takimi në Shtëpinë e Bardhë me ambasadorin Michael Carpenter, deklaroi se Serbia nuk është e gatshme për normalizim të raporteve me Kosovën. Ai ngriti shqetësime mbi sulmet e fundit, si ai ndaj kanalit të Ibër-Lepencit, dhe theksoi nevojën për masa konkrete për ndalimin e incidenteve që dëmtojnë sigurinë rajonale. Bislimi siguroi se Kosova mbetet konstruktive në dialogun e ndërmjetësuar nga BE-ja dhe mbështetur nga SHBA-ja, duke kërkuar zbatimin e marrëveshjeve të arritura.
Në një deklaratë për media, Zyra e Prokurorit të Specializuar bëri të ditur se ka arrestuar ish-drejtorin e Agjencisë së Kosovës për Inteligjencë (AKI), Bashkim Smakaj, ish-kreun e Komunës së Malishevës, Isni Kilaj, si dhe Fadil Fazliun.
Armatim i konfiskuar nga Policia e Kosovës, pas sulmit të 24 shtatorit të vitit 2023 në Banjskë të Zveçanit. Edhe…
LVV shpall garën për kandidatë për kryeministër, a do të ketë kundërkandidat Albin Kurti?